7
ende Schapereyen, ende waer die selve over al in’t Heyligh Rijcx sullen aengheslaghen, ghepubliceert ende gheinsinueert worden, sullen volcomen, ghelooff hebben, al ofte het originael selver ware, ende bevelen daeromme E. L. L. An: An: ende V. L. alle te samen, ende eenen yeghelijcken besonder wt de Roomsche Keyserlijcke Majesteyt macht, hier mede ernstelijck ghebiedende ende willen dat gylieden voor gheruerde Ridderschappen ende der selver Ondersaten, met allen t’ghene hun toebehoorende ghelijck hier boven verhaelt is, teghen dese onse Keyserlijcke Bescherminghe ende Sauuegarde yet te doene oft yemande te verhinderen ende beschadigen noch te plunderen, te vanghen, hoe ende in wat manieren dat soude moghen wesen, op de pene van onse Keyserlijcke onghenade ende straffe, ende daerenboven op de pene van 50. Marck fijn gout, de welcke eenen yeghelijcken soo dickwils hy teghen dese, onse Keyserlijcke Placcaten doet verbeuren, sal deen helft tot proffijte van onse Keyserlijcke Camer, ende d’ander helft tot profijte vande voorgenoemde Ridderschap, sonder dat daer eenighe gratie sal geschieden. Dit is onse ernstelijcke meyninghe, hebben daeromme desen Brief doen beseghelen met onsen Keyserlijcken secreten Seghel. Ghegheuen in onse Stadt Weenen den 3. dach der Maent Septembris. Anno 1620. Onsers Rijcx van Roomen int 2. Jaer des Hungherschen int 3. Jaer, ende van Bohemen het 4. Jaer.
Ferdinand.
Vt. H.L. von Vlm.
Ad mandatum Sacræ Cæſa-
reæ Maieſtatis proprium.
I.K. Puecher manu prop
I.Z.V.H.
