4
stalt ghylieden van die vande Vnie Krijchs-volck in uwe, ende uwer Adelijcke Mede-leden op den Worms ende Meyntser Gauw, ende den Hondts Rugge geleghene Adelijcke huysen ende goederen, met onbehoorlijcke fourieringhe ende groodt ghewelt, tot ruine der arme Ondersaten belast zijt, ende t’ghene daer wt (langher duerende) soude konnen rijsen, seer wel ende ghenadigh verstaen weten ons nochtans wel besinnen van t’ghene wy v lieden op den 17. Augusti lestleden, gheschreven hebben, t’ghene met aenneminghe van ons Neder Bourgonsch Krijchsvolck passeert, het welck nu sonder twijffel al op wech is, om opwaerts te trecken: niet twijffelende oft ghy lieden sult teghenwoordigh den selven Brieff ontfanghen hebben.
Ende hoe wel wy verhopen ghy lieden, ende uwe Adelijcke Mede Leden sullen aent selue schrijven ghenoechsaeme satisfactie hebben, soo seynden wy nochtans hier mede tot meerdere verseeckeringhe ende ghetuyghenisse van onse ghenadichste liefde ende ghemoet des Vredes, ende tot Conseruatie van v lieden ende eenen ieghelijcken, seecker exemplarien onser Keyserlijcken Adlers Sauvegarden, ghequoteert A. waer by, ende boven het selvighe, wy noch aende Marchese Spinola schrijvende zijn, raeckende uwe bescherminghe gequotteert N. B.
