5
van Oppenheym van de brugghe, met 16. Backen, van de Brugghe, daer by was Cappiteyn Hengst, den wech is moeyelijck van marcheren, ende wy hadden groote moeyten om ouer de Riuierkens ende Wateren die wt de gheberchten komen, brugghen te legghen om de Waghens te marcheren, ende den wech te effenen.
Van den 26. October af zijn wy ghetrocken tot den 2. Nouember allen daghen een ure verre door Bosschen ende Bergen, wy zijn wederom na Altseym ghetrocken, daer heeft den Marquis 2. duysent soldaten in gheleyt, ende soo zijn wy met Legher ghetrocken op een vlecke ghenaempt Borst Veltin, in een bosch ghebleven 2. nachten lanck onder den blauwen hemel in een vlacke Campagnie, soo den Marquis hadde den sin naer Keysers Louter, ende wy trocken door Bosschen en Berghen.
Soo wy met den Legher maer acht uren van Keysers Louter en waren, soo souden wy wel acht daghen lanck moeten passeren hebben eer wy daer ghecomen hadden, ende dat door oorsake om datter maer eenen waghen in den wech seffens en coste passeren, ende maer een ure daechs. Als wy des smorghens met den legher wt trocken, soo wast sauonts thien uren eer t’leste van den Treyn int quartier was soo is zijn Exc. den Marquis met den legher ghe-
