6
eenighe van de Gherebelleerde staten van Bohemen by den anderen gheweest, ende hebben gheresolveert ende ghesloten, eenighe defensie daer teghen te doen, ende willen het Bemer Bosch gansch doen af houwen, oftse den Hertoch van Beyeren, ende den Graeff van Bucquoy daer eenighen wederstant costen mede doen, ondertusschen quam hier tijdinghe dat Carls Badt in brandt ghesteken was ende verbranden.
Tijdinghe wt den ouer Pfaltz van 27. Octob.
Hier verstaetmen van de belegeringe van Pilsen dat den Hertoch van Beyeren de stadt op gheeyscht heeft aen den Grave van Mansfelt om de selve over te leveren, d’welck den Graef van Mansfelt belooft heeft men woorden, om des Keysers volck op te houden, want hy verwachter secours, Middeler tijt heeft den Hertoch van Beyeren, siende t’bedroch, seer ghescholden sulcx niet te houden, ende heefdt een groote somme Ghelts op den Mansfelts lijf ghestelt, wie hem kan krijghen, hoe datter mede vergaen sal, wilt men nu met den eersten vernemen.
Sondaechs op den 25. October hebben des Beyersch Volck op den vyant in Bohemen groote schade ghedaen, ende zijn tot onder Schlackenwalt ghekomen ende gherooft, hebben dat stedeken van Buchau in ghenomen, ende wat zy in de wapen vonden alles vermoort, ende neder gehouwen, plaetse Ludis heeft
