4
aen de Keyserlijcke Majesteyt, maer en wilde niet afstaen de Boheemsche bystant te doen, ende de Gheconfedereerde te quitteren, dan wilde met haerlieden in Tractaet blijven, waer ouer men vermeynt gheenen vrede en sal connen wesen.
Ende de Honghersche en willen den Grave van Tampiers Lichaem niet laten volghen, om datse terstont dat niet en hebben gheransonneert, ende de Honghersche doen ouer al groote schade, met wtloopen ende rooven, waer ouer ons Chrijschvolck oock met ghewelt daer teghen is, ende hebbense wederom te rugghe ghedreven, soo dat de Wijnen hier ontrent (Godt loff) inde stadt ghebrocht zijn.
Den Bethlehem Gabor heeft 5. November weder eenen Hungherschen Landtdach tot Presburgh laten beschrijven, ende heeft begheert datmen den Heer Graeff van Tampier tot Presburg soude begraven, naer het Keysers ghebruyck, ende en heeft geen rantsoen begheert, oft willen nemen.
VVt Cada in Bohemen 4. mijlen van Rackonits van 1. Nouember.
Die gheveer oft vreese in deser Landen neemt hoe langher hoe meer de ouerhant, van de Boeren die samen spannen, waer ouer gheen Borgher hier wt de Stadt naer zijn goederen en mach sien, hebben voor ghenomen allen de Edellieden doot te slaen diese vin-
