6
VVt Praghe 18. October, 1620.
Goede bysondere Vriendt N. hebbe v schrijuen ontfanghen, ende daer wt verstaen dat ghy mijn schrijuen niet en hebt ontfanghen, dat is als datter twee Posten sijn afghesedt gheweest onder wegen ende hun brieuen van de soldaten ghenomen zijn, voorts ghy schrijft om te weten hoe dat met de Geestelijchz hier gaet, ende met den krijch (dat is, slecht genoech Godt wille ons alhier bewaren, wy staen in groot ghevaer van lijf ende goederen te verliesen, dan den Keyser en den Hertoch van Beyeren, ende Hertoch van Saxen die ligghen by Praghe 10. mijlen van hier, ende onsen Legher des Ghepretendeerden Coninckx 8. mijlen van Prage, Godt Almachtich wilder in versien, het Keysers volck leyt om Pilsen, alsmen van Praghe naer Neurenbeurcht reyst, den Hertoch van Saxen heeft die Stadt Bautzen in ghenomen.
De Minnebroeders ende de Cappucinen by S. Jacob, ende Sint Thomas, ende op Strooy-Hoff Heeren dat zijn Heeren als de S. Michiels Heeren t’Hantwerpen, hebbende de Orden van S. Norbertus, zijn (Godt lof) noch wel te passe soo langhe alst duert, maer men heeft alle Gheestelijcke Goederen inde gantsche Croon Bemen vercocht, ende tot den Crijch aenghewent, die Slot-Kercke is Caluinus
