8
Beyeren volck, hebben de stadt Plan in Bohemen in ghenomen oock niet verre van hier, in’t ghesichte van de Bohemen, ende den Ghepretendeerden Coninckx Legher. De Bohemen en costen de Stadt niet ontsetten, dan quamen van achter aen in den steert ende schermutseerden een wijle met malcanderen.
Den 23. ditto quam den Enghelschen Ambassadeur hier binnen Praghe met 20 persoonen, van den Ceurvorst van Saxen, ende hadde des anderen daechs by de Coninginne Audientie.
Den 24. ditto des savonts quam den nieuwen Gepretendeerden Coninck met den Grave van Thurn met 30. peerden hier binnen ende gaf den 25. Audientie aen den Ambassadeur van Enghelandt ende sal wederom naer t’Legher trecken.
Den Hertoch van Beyeren heeft aen den Gepretendeerden Coninck wederom gheschreven dat hy soude met de Ghesanten tracteren, ende vermanen van de Boheemsche Croone af te legghen.
Des Sondaechs savonts zijn hier binnen Prage noch 3. Vendelen Soldaten in gecomen om de stadt te meer te versekeren, ende den selven ditto naer noen is een Hungarische Ghesanter hier comen van Betlehem Gabor met 9. peerden.
Den Graeff van Mansvelt wilt met zijn Volck oock by den Ghepretendeerden Coninck comen, ende Pilsen met volck wel beset laten, denckende dat den Legher met ghewelt de stadt wel mocht aen tasten.
FINIS.
