4
oft vermeynden Coninck, in eyghen persoone hem aldaer bevindende) onse op breken ghemerckt, hebben sy oock desghelijckx aen ghevanghen met gantscher macht inder haest te marcheren naer Praghe, van meyninghe ons den pas te ondergaen, ende af te snijden, oft ten minsten voor ons tot Praghe in te comen, wy hebben hem ghelijck wel soo sterck naer ghesedt, dat wy den 7. ditto hebben zijn Arriere Guardia gheraeckt, oft by ghereyckt, ende by aldien dat den Conte de Bucquoy, soo als doen die Avant-guardia hadde vroech, ende by tijts aent marcheren hadden gheweest, soo hadden wy sonder twijfel dien dach een onsienlijcke Victorie becomen) Dan even wel, ettelijcke onser Auantguardia van den Hertoge 200. Honghersche Ruyters in een bosken betrapten, alle omghebrocht, ende 28. waghens met Ammonitien ghenomen en becomen hebben.
Den selvighen gantschen dach zijn wy in Armis ende beyde Leghers maer een Musquetscheut van den anderen gheleghen: ende den selvighen nacht is onse Ruyterije int vyants ende Hongarisch Quartier ghevallen, ende die selue inde vlucht ghejaeght, ende 300. verslaghen, ende de Vlecke oft Dorpen in brant ghesteken.
Den 8. ditto zijn wy 4. uren voor den dach op ghebroken, ende hebben den vyant onghevaerlijck een
