10
ghelsche Tellen, met groote bedroeffenisse ende claghen, van daer ghereden lancx de oude Stadt, ende den Graue van Thuren den Grave van Hollach, ende Ruppau, ende andere beneffens 3. Compagnien peerden, die wt de battalie ghevlucht, ende by een vergaedert waeren, zijn oock mede ghereden na Costelin, om van daer naer Preslau te loopen.
Ende al ist saecke, sommighe ghevluchte Cappiteynen, Oversten, ende Bevel-hebbers vanden vyant hunne Soldaeten belast hadden, tot Brandijs wederomme te vergaderen, soo en is nochtans vanden Overste niemanden ghecompareert, ende hun is de wete ghedaen dat hem eenen yeghelijcken soude salveren soo hy best kan, Alsoo dat de Boheemsche Armeye meestendeel verslaghen ende de ouergeblevene verstroyt ende verloopen zijn, ende gheenen teghenstandt meer en sullen kunnen doen.
Op den Maendaghe wesende den 9. ditto, heuet Casteel van Praghe sich ouer ghegheven, ende die 2. Vendelen Soldaeten onder Capiteyn Sigismundus Schupert, and Christoffel Heltzinger, hebben zijne Forstelijcke Doorluchticheyt van Beyeren in den naeme van de Keyserlijcke Majesteyt Eedt gedaen.
Op het Casteel stonden 8. gheladen waghens met des Coninckx beste bogagie die zijn alle gespolieert.
