12
Ruyters die vande Lijf Guardie vanden Grave van Turn ouer gheschoten zijn, hebben oock de wagens vanden Grave van Hollach noch op de kleyne zijde gheplundert, segghende: hoe dat zylieden van beyde de graven soo schandelijck opt ys gheleydt ende bedroghen zijn geweest, waeromme zy hun wel mochten betaelt maecken soo zy best konden, maer het Keysers volck soudt hun den Buet wederomme affgheiaecht hebben, ende voots alle de bagagy van’t gheheel Boheemsch Legher, wesende wel 1800. waghens gheplundert, ende hebben ontallijcken grooten buet daer van ghemaeckt. Alsoo dat s’Keysers volck, soo wel van dit, als vant t’ghene zy inde Steden van Praghe ende elders gheplundert hebben, van hunne gheheele Travaille wel hebben kunnen betaelt maecken, want daer zijn veel Soldaten die heel Rijck zijn, ende sulcken buet hebben, dat onmoghelijck schijnt te wesen, Peerden, Pistolen, Mantels, Cleeren, Soetelaers Waghens, Bogagie Wagens van alles isser ghenoech gheweest, Lijnen en Wullen, daer waren soo veel peerden dat de Cosaghen, ende andere Soldaeten, 2. peerden ghauen voor een Daelder, daer warender hadden 5. ses 7. 8. peerden by der hant voor hunnen buet.
De ouerghebleuen gevluchte Soldaten, de welcke ghevanghen zijn, ende alle hun bagagy quijt sijn
