6
VVt Munchen daer t’hoff van den Hertoch van Beyeren is.
Goede Vrient N. par auiſo, op den 21. Nouembris is hier eenen Courier tot Munchen comen van Praghe, ende brenght Adviso als dat onsen Hertoch van Beyeren op den 16. oft 17. ditto van Praghe is op ghetrocken, ende herrewaerts naer zijn Landt t’huys compt, ter wijlen hy zijn Execution met Bohemia (Godt lof) gheluckichlijck heeft voleynt. Alleenlijck die Soldaten blijuen in Beemen, ende Praghe over winteren, verhopende alsoo noch dese weke onsen Hertoghe alhier te sien, ende hier te hebben met Godts hulpe.
Van die Hertoghinne, den Ouden Hertoch VVilhelm, Dux Albertus ende Princeps Neoburgenſis alle ouer twee daghen, om onsen Duc Maximilianus te ontfanghen teghen ghereyst sijn, ende hem willecom te heeten, d’welck sal wel een blijde aencompste zijn voor die onderdanen, int gheheele Lant, want men in honderdt Jaren noyt ghehoort en heeft sulcken Victorie voor de Christenheyt, waer van den Heere moet ghelooft ende ghe-
