2
_vignet.jpg)
Den Coninck van Vranckryck
IN BEARN,
OFT
Verhael begrijpende den gheluckigen voortganc vande Reyse sijnder Majesteyt 1620.
T’Is heel Vranckrijck, ia gansch Christenrijck door ghenoech bekent, hoe grootelijckx, t’sundert wanneer, door wat middelen, ende listen de Catholijcke Religie in Bearne is verdruckt gheweest: maer daer zijn weynige persoonen onderricht vande stantvasticheyt der ghener, die niettemin volstandich blijuende in hun gheloove, aenhanghende hunne wettighe Pastooren der Roomsche Kercke, ende dat in sulcke menichte dat sonder eenighe oeffeninghe der selver, vande acht deelen deses hen cloeckelijcken hebben in ghebonden teghen de scherpe ordinantien, diemen ghewoon is t’instellen inde Geestelijcke ende Wereltlijcke Politije, om t’volck van Religie te doen veranderen.
Den ouerleden Coninck, saligher ghedachtenisse beweecht tot medelijden ouer de plaetse zijnder gheboorte ende de Staten der selver, ende ghedachtich zijnde dat zijne Heyligheyt hem vergiffenisse hadde ghegunt ende toe ghestaen, op conditie dat hy de saken vande Kercke Bearne wederom in eenen goeden staet soude stellen, hadde begonst eenighe beproevinghe daer op te doen:
