8
Monsieur de Tilly (de welcke is van het Edele Huys de Serclaes tot Brussel,) ginck ordonneren de Esquadrons in de leechte van het Dorp, die gedaen zijnde, waer ouer hy terstont marcheerden recht toe recht aen naer den Vyant, ende alsoo hy ghepasseert was de Brugghe ouer t’water met een Regiment voetvolc gaf terstont op den vyant vier, dwelc den vyant oock dede, waer ouer hy groote schade van den vyant lede onder sijn volck, ende hadde den vyant opt’ stuck wel gheledt oft toe ghesien, hy soude dat Regiment tot sijnen wille altemael vernielt ende wel verslaghen hebben.
Monsieur de Tilly dit bemerckende datter scherp afliep, sont terstont naer de Grave van Bucquoy, als dat hy soude comen in alder haesten, ende volck senden, want hy alreets aen den Vyandt was, ende soude te swack vallen, want hy omcingelt was van den Vyandt.
Den Grave van Bucquoy siende het dangier daer Monsieur de Tilly in was met zijn Reghimendt, namp terstont de rechter handt den wech af al waer gheenen quaden wech en was, om den vyant te aborderen, ende ter middeler tijt alsoo passeerden den heelen Legher van den Hertoch van Beyeren ouer de Brugghe.
Maer alsoo dit te doen was aen de slincker hant,
