12
ruyne volghde nv van d’eene Familie, nv van d’andere, ende dat altijt van de Treffelijckste ende d’outste van de Valleye.
Ten laesten indien men wel ouerpeyst t’gene eertijts ten tijde van de Romeynen, de Sicilianen dry Jaeren langh gheleden hebben van den Trouloosen ende Diefachtighen Verres, soo sal men bevinden, dat d’ongheluckighe Valtellinoisen by na, (oft sonder by na) al het selue nv soo langhen tijdt van soo vele Diefachtighe ende Schelmsche Verressen gheleden hebben. Men sal voorwaer nerghens eene boose maniere van Regeren vinden, die met de Verrinsche maniere beter ouer een come, als de maniere die de Grisons ghebruyckt hebben int Gouverneren van de Valtellina, t’welck men claerlijcker soude connen bethoonen, indien het van noode waere hier alle de stucken met alle hare circonstantien een voor een te vertellen: ghelijck het eertijdts Ciceroni toe stondt te doen, die de selue saken van Verres in rechte handelde, maer tot een ander eynde, dan wy hier voor ooghen hebben.
Maer t’ghene aldermeest in onse saecke te deeren is, ende een yeder tot medelijden behoort te verwecken, is, dat, als nv d’Arme ouervallene tot hunne Over-Heeren hunnen toevlucht wilden nemen, om dat die in soodanighe Tyrannijen ende ongherech-