13
ticheden voorsien souden, d’Officiers selue door Bannissementen ende Ghevanghenissen die ouervielen en quelden die voor de ghemeyne welvaert wilden spreken ende sorghe draghen. Ende t’is ghebeurt, dat als nv, niet teghenstaende alle beletselen, de Gesanten van de Valleye, in den Ghemeynen Raedtdach ende verghaderinghe van de dry Bonden quamen, ende aldaer van punct tot punct de Overtollicheden ende overlasten verhaelden, dat sy ten laetsten, nae datse in verscheyden plaetsen soo schandelijck ghetracteert waeren, dat qualijck de verworpenste Slaven soodanighen schande ende Injurien souden verdraghen, t’huys hebben moeten keeren, niet met allen wt gerecht hebbende, ende sonder hope van beternisse oft solaes.
Dese dinghen waeren sonder twijfel genoech, om alle hope teenemael besijden te setten van eens van sulcke miserie, onder dese Heerschappije te connen ontslaghen worden, maer daer en bouen warender noch andere oorsaecken, door de welcke de verdructe Ondersaten t’eenemael gheen hope meer en conden hebben van beternisse. Eenen yeghelijcken was nv kennelijck de verghaderinghe ghehouden in het Landt van Toſana, ende dat men in de selue verghaderinghe hier op alleen wt gheweest is, om de goede ende de Catholijcken, soo wel onder de Gri-
