6
schen Ambassadeur voor de leste reyse by hare Keyserlijcke Majesteyt audientie ghehadt, ende staet daghelijckx op zijn vertreck van hier.
Den Lant-dach alhier is tot zijne Keyserlijcke Majesteyt goeden contentemente alreede gesloten, ende by den selven versoecken vele vande gheproclameerde Oostenrijcke Staten, ghenaden gelijck ooc Heer Hans Wilhelmus Graue van Hardeg alreede in ghenade is ghenomen.
Alhier seghtmen ouer al, dat naer dien den Palsgraef heeft ghemerckt dat hy met volck niet weder op de been en can comen noch te hem rechten, soo heeft hy tot Preslau vande ghene die hem aldaer wt Bemen hebben gheleyt, zijn afscheyt ghenomen, ende hen vry ghestelt, wie met hem voort reysen willen, ende dat d’andere souden sien hoe zy van zijne Keyserlijcke Majesteyt hen pardoen becomen connen de reste heeft hy Godt ende den tijt bevolen, daer over verhoptmen dat op de stercke vermaninghe vanden Ceurvorst van Saxen, de Slesingiers, de Moraviers oock sullen volghen.
VVt Praghe van den 5. Ianuarij 1621.
Den 29. December smorghens vroech alhier op de cleyn zijde is het vier in een Seyl-makers huys deur verwaerloesinghe vant Meysen ghecomen daer van t’selue huys ende noch een ander daer beneffens
