7
te menichte van Crijsch-volck rontomme de stadt Straesborch, hoe dat daer mede vergaen sal, wiltmen haest vernemen.
Tijdinghe vanden Rhijnstroom van 13. Ian.
Men verstaet als dat het Crijschvolck van zijn Excellentie den Marquis Spinola eenighe plaetsen ende sterckten heeft inghenomen in het Landt van de Wetterauw, ende principaelijck die stadt Friedberg, de welcke haer in de Keyserlijcke genade heeft ouer ghegeuen, ende onder de Keyserlijcke protecxie garnisoen heeft in ghenomen, tot besetting der seluer stadt.
Daer is door commandementen van zijn Excellentie den Marquis Spinola noch meer volcx te voet, ende te peerde ouer den Rhijn ghesedt, het welc hem heeft ghevoecht by het voorgaende Chrijchs-volck ende alsoo haest zy by den anderen zijn ghecomen, zijn naer de Stadt Gelhausen ghetrocken met den Legher twee mijlen van Hanauw geleghen de welcke van Gelhausen dit vernemende, hebben haer ooc ouer ghegeuen in de bescherminghe, ende Keyserlijcke ghenade waer in datse zijn ontfangen, ende alsoomen verstaet is daer garnisoen in gheleyt, tot bewaringhe der seluer, wat nv volghen sal salmen haest vernemen.
Men verstaet de Protestanten tot Worms by mal-
