6
ouer al zijn veel ghedruckte Boecxkens ghestroydt, van diuersche soorten teghen de Gommaristen, de welcke veel van de Gommaristen guyterije ontdecken, daer was een Boecxken onder ghenaempt den Morghen Wecker teghen de Gommaristen ghemaeckt: Waer ouer hier in Hollant eenige Druckers Meesters ende Ghesellen ghevanghen zijn, waer dat de Gommaristen af willen weten, wie sulcx soude ghedaen hebben, soo dat hier in Hollant staet in eenen soberen staet, ende t’is een vier dat ontsteken is, d’welck niet lichtelijc met de Gommaristen ende Arminiaenen en can ghedaen wesen.
De Gommaristen leven soo wreedelijck ende strenghelijck met het Volck dat een Jammer saecke is om hooren ende sien, soo dat hier wt Hollandt veel volcx vertrect, ende ten lesten niet wel vergaen en sal.
Tijdinge vvt Preslau in der Slesien vanden 14. Ianuarij, 1621.
Voorleden maendach is den Hertoghe van der Oels, naer Dresden vertrocken, alwaer dat alle de Heeren ende Standen van Slesien sullen compareren om de tractatie vanden vrede voor de hant te nemen.
Alhier zijn oock Ambassadeurs wt Polen ghearriveert, om mette Vorsten ende Standen van dese Landen te tracteren, maer alsoo dese Vorsten ende Standen samentlijcken vertrocken zijn, soo sullen de
