3
seeckeren Persoon ghenaemt Pierskarski (diemen seght te wesen een Edelman wt Russien) hebbende ghemist van den Coninck op het hooft te slaen met eenen Harchiers stock oft Hâche D’Armes gemaect in de forme van een halff maen, heeft hem ghegheuen eenen soo swaren slach op den Rugghe dat het vel daer van seer was ghevilt, nochtans en heeft hy de pijne niet gheuoelt, dan op den auent, ende alsmen hem sijn hemde vvt dede, soo bevontmen dat t’selue was heel bebloedt, ende de fortse vanden slach van desen ellendigen was soo groot, dat het yser vanden stock daer van ter eerden viel, ende hebbende stracx vernieuwt sijnen slach, sloech den Coninc soo grouwelijck metten stock vande voorsz. Hache in’t aensicht, d’welck hy bloedich maeckte, dat den Coninc daer van ter eerden viel, den welcken op gheheuen sijnde, wirt gheleyt in eene Capelle vande selue Kercke, alwaer wesende soo beuontmen datter geen perijckel en was
