7
ghesmeten ontrent Tachau in Bohemen, waer teghens den voorsz. Graue wederomme een deel vers volck derwaerts ghesonden heeft, wat hier wt noch sal worden leert den tijt.
Wt Weenen van den 27. ditto.
Den Ambassadeur van Vranckrijck is na Haynberch vertrocken, maer en hebben noch gheene sekerheyt, wat sy metten Betlehem Gabor ende Hungheren wtrechten, het Krijchs-volck van beyde partijen en leyt niet verre van een, verwachten alsoo Vrede ofte Oorloghe.
De Ambassadeurs van Morauien zijn wederom vertrocken, ende hebben eene Schriftelijcke Resolutie mede ghedraghen, inhoudende als hier naer volcht.
Sijn Keyserlijcke ende Conincklijcke Majesteyt vernomen hebbende dat zylieden hun inde ghehoorsaemheyt ghestelt hebben, al hoe wel zylieden hun inde Rebellie van Bohemen, eensdeels deelachtich ghemaeckt hadden, van niet generaelijck maer wel seeckere particuliere, die hun tot Directeurs hebben op gheworpen ende laeten employeren, de welcke sy lieden hebben moeten naervolghen ende ghehoorsaem wesen.
Nu al ist saecke dat zijne Keyserlijcke Majesteyt oorsaecke ghenoech zijn hebbende, om stracx metter
