12255Int derde iaer conincx asa
kolom a
Oec sloech doot die basa
Al ieroboams meisiniede
Also alst achias bediede
In tarsen[1] droech hi crone dats waer
12260Over israel xxxiiii[2] iaer
Bi cleinen dingen harde na
Tusschen asa ende basa
Leesmen dat altoes wiich was
Van etyopen die coninc saras[3]
12265Quam inden tienden iare
In siin lant orlogen sware
Daer verwn hi met groter ere
Ende doe asa quam ten kere
Sprac ∙i∙ profete hiet asarias[4]
12270Dat hem die seghe gegeven was
Om dat hi hilt ons heren wet
Doe hietse asa houden bet
Alden sinen noch also wel
Basa coninc van israel
12275Was argher dan ieroboam
Mettien iehu[5] tote hem quam
∙I∙ profete diene scalt sere
Ende seide dat spreect god onse here
Ic was die di hief uten stove[6]
12280Du best van argeren love
Dan ieroboam met allen
Du does miin volc in sonden vallen
Bedi sal ic die dine slaen
Als ic ieroboam hebbe gedaen
12285Hier omme en liets niet basa
Hi en voer in rama
Viif milen van iherusalem
Mar asa benamt hem
Hi sende selver ende gout
12290Tote dimas[7] met gewout
An denabas den coninc van surien
Dat hi ware van sire partien
Dus hiet[8] basa van israel
Entie were[9] ooc also wel
12295Steen ende hout nam asa mede
Ende vester af sine stede
Doe scalten iehu ende seide
Dat hi gode lachter dede
Ende hi vrientscap ende partie
12300Sochte an den coninc van surie
Hier omme deden asa vaen
kolom b
Mar god wract sonder waen
Want hi hem in siins liifs ende
Plaghe in sine voeten sende
12305Men groevene in davits stat
Na hem werd coninc iosafat
In asas tiden dat waer is
Was coninc silius capis[10]
Die achtede coninc van latinen
12310Van enease ende van lavinen
Eer asa starf dat segic u
Ginc die profete iehu
Om den coninc van israel
Basa te winne wel
12315Mar basa deden doot slaen
Dat wrac god an hem saen
Want hi wert verslegen doot
Van ∙i∙ riddre sinen genoot
In tarsen was hi begraven
12320Als ∙i∙ heren met groter haven[11]
Hela siin sone wrac hem daer
In asa xxvi iaer
Wart hela in israel here
∙I∙ iaer ende niet vele mere
12325Droechi crone in gene stat
Aldaer hela sat ende at
Sloegen samari siin marscalc doot
Ende al sine huwe[12] clene ende groot
Alse iehu vorseide vorwaer
12330In asas xxvii iaer
Droech crone samari sonder sage
In tarsen allene vii dage
Want tvolc van israel daer lach
Vor lebeten[13] up genen dach
12335∙I∙ stat inder heidine lant
Doe die mare quam tehant
Dat samari[14] den conin hadde doot
Coren alle doe die genoot
Haren constavel tenen here
12340∙I∙ hiet amri met groter ere
Amri belach tarsen do
Samari ins coninc zale vlo
Ende verbernede die zale
12345Ende hem selven altemale
Half israel hilt him
An ∙i∙ ridder hiet tehim
- ↑ Tirza: en plaats in Samarië, ten noordoosten van Sichem.
- ↑ xxxiiii: 24 jaar volgens 1 Koningen 15:33
- ↑ Saras: in de Vulgaat 2 kronieken 14:9 Zerah de Moor genoemd, wordt dar alleen vernoemd.
- ↑ asarias: Azarja (Vulg./Hist.Schol. Azarias), profeet ten tijde van Asa. Bijbel: 2 Kr 15:1, Hist.Schol. Lib.III Reg. Cap.XXXII.
- ↑ Jehu: een profeet in de bijbel, zoon van Hanani, die de ondergang van het huis van Basa voorspelde.
- ↑ stove: van stof
- ↑ dimas: zou moeten ‘damas’ voor Damascus zijn. 2 Kronieken 16:2
- ↑ hiet: heeft geen zin vgl. met oudere versie geeft het volgende: ‘Dus liet basaa van IsrahelRama ende de werre alsowel.’ Rijmb. p. 297, r. 5-13, West-Vlaanderen, {{sup|1285
- ↑ were: afweer, tegenstand, strijd
- ↑ silius capis: Capys Silvius (Hist.Schol. Silvius Capis), volgens een al in de vroege oudheid geschreven (maar niet historische) lijst de achtste koning van Alba Longa. Bijbel: Hist.Schol. Lib.III Reg. Cap.XXXII
- ↑ have: bezit, roerend goed, geld
- ↑ huwe: Huisgenoot, lid van een huishouden.
- ↑ lebeten: schrijffout, moet iebeten zijn: Gibbeton (Vulg. Gebbethon Hist.Schol. Jebbethon), plaats in het gebied van Dan. Bijbel: 1 K 16:15, Hist.Schol. Lib.III Reg. Cap.XXXIII
- ↑ samari: Zimri (Vulg. Zamari, Zamri Hist.Schol. Zambri), moordenaar van koning Ela. Bijbel: 1 K 16:9, Hist.Schol. Lib.III Reg. Cap.XXXIII
