f33v
Drie gygante also groot
kolom a
5580Nie en sagen si haer genoot[1]
Si keerden binnen ∙xl∙ dagen
Daer brochten si gedragen
Calef ende iosue
An ene paertse[2] daer si twee
5585Mede waren geladen genoech
∙I∙ druve wast datmen droech
Ghebroken van ∙i∙ wiingaerde
Die druve van groter waerde
Dat es ihesus marien kint
5590Die ons god hare hevet gesint
Die paertse es tcruce of siin moeder
Die bede droegen onsen broeder
Die voren droech hadde den staert
Ghekeert ten druve waert
5595Dat bediet dat te voren
Die ioden waren vercoren
Dachterste toghe[3] daer waert
Dats die kerstiin waer hi waert
Die toghe heeft up onsen here
5600Ende hem dient oec embermere
Al waren die ioden eerst vercoren
Ende nader werelt gingen voren
Si hebben gode den rugge gekeert
Die kerstiin die achterst was geleert
5605Comt na ende heeft toge te gode
Ende leeft na sine gebode
Die spiers[4] keerden mitter spoet
Ende priisden dlant scone ende goet
Die vrucht togeden si daer
5610Mar si seiden al over waer
Die liede scone ende groot
Entie lande iegen noot
Wel ghemuert[5] al dore int lant
kolom b
Enox gheslachte was gygant
5615Wi sagen daer manne ende wive
Alse ongeliic ware wi van live
Iegen hem das siit gewes
Alse iegen ons ene krekel es
Nieman magher lange in leven
5620Mettien hevet tvolc up geheven
Een luut ende weende sere
Ende seide vergave onse here
Dat wi waren in egypten doot
Beter waer ons noch ter noot
5625Te keerne te egypten lant waert
Dan te stervene voer dat swaert
Ende men onse wiif ende onse kinder
Iamberlike sal doden ginder
Make wi enen here metter vaert
5630Die ons lede te egypten waert
Mar calef ende iosue
Scorden hare cleder ontvee
Ende seiden dat laet dor god
Ne staet niet iegen gods gebod
5635Maect van hem genen loghenare
Als oft hem onmoghelic ware
Tlant te gevene wien soes vernoiet[6]
Daert melc ende honich in vloiet
Wi sellen tvolc al sonder noot
5640Verswelgen als wi doen dit broot
Mar vander ∙x∙ die tvolc vervaerden
Riepen daer iegen int ontwaerden[7]
Ende tvolc wildse stenen daer
Mettien verbaerde[8] openbaer
5645I hert uptie tabernacle ons heren
Ende seide te moysese met eren
Hoe lange sal mi dit quade diet
Ne willen geloven niet
Sal ixe slaen ende di here
5650Vant lieden maken vele mere
Moyses bad neen ghi here miin
Bi dire genaden hen moet niet siin
Datmen in egypten lant
Niet ne segge alte hant
5655Hine mochthem dlant niet wale
Gheven onse here na dine tale
Seide hebict gelaten bedi
Mar ic swere dit dat bi mi
- ↑ genoot: iemands gelijke
- ↑ paertse: draagstok
- ↑ toghe: samentrekking van ‘het oog’
- ↑ spiers: verspieders
- ↑ ghemuert: Van een muur of muren voorzien, bemuurd
- ↑ vernoiet: van vernoegen: Tevreden stellen, voldoen, reden tot tevredenheid geven aan iemand.
- ↑ ontwaerden: hier in de betekenis van toornig, of ook verontwaardigd zijn.
- ↑ verbaerde: van verbaren, hier in de betekenis van verschijnen.
