f38v
6435Mar soe decketse onder lemen[1]
kolom a
Van vlasse alsmense haer wilde nemen
En seide dat si waren dane
Ende dat si tiiden[2] ter iordanen
Doe hepsi dandre soeken saen
6440Raab es ten spiers gegaen
Ende seide ets mi wel bekant
Dat u god geven sal dit lant
Nu sweert dat ghi sult genaden
Mi doen in al sulken daden
6445Als ic selve nu dor u dede
Ende al mine magen mede
Die spiers swoerent hare
Mettien liet soese neder dare
Met ∙i∙ roder line gaen
6450Want thuus was upten muur gestaen
Doe seiden si dese rode line
Laet hangen in die venster dine
Dat wi thuus mogen bekinnen
Het bliift al vri datter es binnen
6455Die spiers quamen na iii dagen
Daer iosue entie sine lagen
Ende seiden hare avonture
Die heren loefdent ter cure[3]
Ende seiden dat si gereet
6460Houden wilden haren eet
Drie dage na dattie boden quamen
Seide iosue den volke tesamen
Maect u rene god sal togen
Margiin wonder vor uwe ogen
6465Dae anders dages harde vroe
Sprac hi dus den papen toe
Draget die arke vor die scaren
Gaet daaer u tvolc wart geware
Ende als ghi comt in die iordane
6470Also drogen tuwen stane
Doe die papen metter arke
Voren ginge volgede starke
Al tvolc mere ende minder
Beide wiif ende kinder
6475Gingen in die middel stat
Die van ruben ende van gat
Van manasse half tgeslachte
Gingen voren al met crachte
Ghewapent ∙xl∙M∙ man
6480Haer belof hilden si daer an
Dat si moysese behieten
kolom b
Teerst dat si die iordane bestieten[4]
Metten voeten die was so groot
Dat so algader over vloot
6485Beide van reyne ende van snee
Beneven den pape hort wonder mee
Viel twater al clene ende groot
In die zee diemen hiet doot
Dat boven hem was stont ende wies
6490Als ∙i∙ berch geloeft mi dies
So datment harde verre sach
Die papen gingen uitien dach
Midden inden gronde staen
Tote dien dat was al over gaen
6495Doe nam xii man iosue
Van elken gheslachte min no mee
Die xii stene daer ter stonde
Beneden namen upten gronde
Daer die papen hadden gestaen
6500Ende settense upten lande saen
Ander xii daer ter stont
Settensi daer upten gront
Die al noch heden sonder waen
In ghedenkenesse daer staen
6505Vanden stene alsment wiste
So predicte sente iohan baptiste
Ende togetse metten vingher ginder
Ende seide god mach wel abrahams kinder
Wilde hi van desen stenen maken
6510Hier na suldi horen die zaken
Als al tvolc entie arke mede
Hadde gerumt daer die stede
Liep die iordane weder saen
Alsoe teerst hadde gedaen
6515Dat volc ginc over die iordane
Des tienden dages na die mane
Inden aprille ende up een velt
Sloegen si doe haer getelt
vi milen ende ii stadia
6520Lagen si der iordane na
Alse viii stadia doen die mile
Van ierico dates gene gile[5]
Lagen si ∙x∙ stadien dats waer
Daer maecte iosue ∙i∙ outaer
6525Van den stenen alte samen
Die daer uter iordane
