f40v
Doe seide god te iosue
kolom a
Nu ne ontsiedi min no me
Du salste wonden metten swerde
Margiin ende slaen haere paerde
6795Ende hare wagine bernen mede
Aldit leesmen dat hi dede
Tvolc van israel sloegent al
Sonder die hadden tgeval
Dat si ten venstre liepen an
6800Want dat volc van chanaan
Vernam dat dysraelsche scaren
Om haer lant geporret[1] waren
Vesten si hem harde wel
Die dat volc van israel
6805Sident wonnen met groten pinen
Iosue doch metten sinen
Verbernde alle omme lant
Wat mensche dat hi vant
Wast wiif of kint hi sloecht doot
6810An roven wan hi riicheit groot
Hier na quamt int viifte iaer
Dat si int lant quamen daer
Ende iosue die dede also
Die tabernacle bringen in silo
6815Vanden berghe van galgala
Met al datter volgede na
Van danen gincsi in cychem
Ende algader there met hem
Oec so maecti ∙i∙ outaer
6820Up enen berch hiet ebal daer
Daer diendi gode met offeranden
Ende screef daer met sinen handen
Ons heren wet ende wasser vro
Daer na voer hi in cylo
6825Iudas geslachte gaf hi dlant
Int geberchte ter zuder hant
Den gheslachte van effraym
Die berge an die nortside him
Tusschen dien tween min no mee
6830Half tgeslachte van manasse
Want dander na minen wane
Hadden tgoet over die iordane
Desen so beval hi dlant
Want hise stout ende vromich vant
6835Die andre keerden int getelt
Effrayme so gaf hi tvelt
Van cychem dat iacob doe hi lach
kolom b
Ioseppe gaf upten lesten dach
Ende daer groeven si algader
6840Van ioseppe die bene alle gader
Ieronimus seit oec daer ane
Dat hi der ander broeder grave
Iacobs kinder in cysem sach
Daer na so quam up ∙i∙ dach
6845Calef die sone iessene
Ende sprac aldus te iosue
Ghedincti niet wale des
Dat god seide tot moyses
Van ons tween doe wi bespiet
6850Hadden dat lant alsmen ons riet
Tlant dat berorde miin voet
Soude siin ewelike miin goet
Ende oec soude miin siin dlant
Daer wi sagen den gygant
6855Hets leden ∙xlv∙ iaer
Dat god dit seide dats waer
Lxxxxv∙ iaer ben ic out
Also staet in mire gewout
Als ic was doet mi god behiet
6860Iosue seide vor al dat diet
Ende gaf hem ebron daer tien tide
Dat beste lant van stride
Iosue in cylo omboet
Aldat volc clene ende groot
6865Ende seide ic ben ∙i∙ out man
Hets best dat wi delen dan
Ende cavelen[2] dat lant
Daer ons god in heeft gesant
∙X∙ man coes hi uter scaren
6870Die sere vroet van meten waren
Diet maten ende besagen bede
Ende niet en deelden na die brede
Mar na des lants werdichede
Si deelden ende cavelden mede
6875Teerste lot hadde iudas die coene
Dander tvolc van symoene
Dat derde tvolc van beniamin
Smal lant hadsi onder him
Om datmen alrebest visierde
6880Effrayms kinder hadden tvierde
Tviifte tvolc van manasse
Van ioseppe quamen dese tvee
