ghenaemt Livins bastaert zone, die ic uuter vonten gheheven hadde, dat hij hem dissimuleren zoude, oft hij zoude hem vaster ende bewaerder legghen daer hij zoo veel liberteijts niet hebben en zoude. Hij sprack onbedacht als noch een jonc man zijnde, ende den anderen, willende een heerschap zijn, nam dat zeer qualic, mits dat hij zeer couraigiues was, ende speet hem dat hij van een, die veel minder ende jongher dan hij was, alzoo zoude als een kindt gherijnct zijn. Aldus des daechs te voren, desen Artus, zijn vierdere wel ix stoopen rijnswijns ghedroncken hebbende, creech tsavonts wederom woorden jeghen den supier, ende terstont nam eenen snijer ende planten hem jueste int herte, zoo dat tbloet jeghen de posten speijte, ende achtereen nederzanck ende straf[1]. Desen supier was een frisch, jonc man ende hadde ooc ter nieuwer predicacie gheweest eer hij dit faict committeerde. Up den zelven dach werden de scraghen ghestelt daer men de berderen vanden schavotte up pleecht te legghen, als men daer up ijemant zal ghaen justicieren, ende datte voor eenen anderen pacient; daerom sprack desen Artus tot den man die de scraghen ghijnck stellen: ic zie wel tzal ijemants ghebuerte ghaen zijn, tes quaet verdient, ofte dierghelijcke woorden; ende den raet vande heeren veranderde, zoo dat dien persoon alsdoe niet daer up en quam te steerven, maer desen Artus zelve (zoo ghehoort es) die daer naer up den zelven avont den supier doot stack, ende tsanderdaechs daer up gherecht was. Waeromme hij, up den dach als hij steerven moeste, desen zelfden man uuter vanghenesse ziende, sprack hem an ende zeijde dat hij lettel gheweten hadde dat die scraghen, die hij hem den dach te voren zach ghaen stellen, voor eenen anderen zouden te
- ↑ Starf.
