6
te versoecken, ende die selve ten besten vermaenen die ooghen schijnelijcke perijckel wel gade te slaen, ende die saecken tot sulcken wech te richten, waer mede die aenghenomen wapenen teghen die Keyserlijcke Majesteyt profijtelijc nedergheleet, alle dadelijcheden afghestelt haer [K]eyserlijcke Majesteyt haere van Godt verleende ende rechtveerdigh vercreghene Conincktijcken ende Landen niet langer onthouden maer nuttelijc wederomme ingheruymt, ende alsoo den lieven vrede op alle plaetsen wederom vercregen ende groote bederffenisse behindert mochte worden, welcker gestalte v. l. ende ghylieden wt by gevuechten Copijen meer sult connen overlesen.
Daeromme is aen v. l. ende v lieden onse vriendelijc ende ghenadigh versoec, zy lieden willen t’hare hier ooc by doen, ende soo wel des Paltsgraeven Lieden als ooc bovenghemelde Standen hier toe ten besten beweghen ende disponeren, ende ten lesten ooc voorcomen ende helpen behoeden, d’welc zylieden vande haeren niet geerne souden lijden, eenen soo hooghen preiudicieerlijcken inganc allen Christelijcken Potentaten ende Overheden gheboren, ende dat Rijc in een sulcke desolatie ende dienstbaerheyt des alghemeynen grouwelijcken Erff-vyants des Christelijcken naems, met onwtblusschelijcke verwijtinghe van allen standen des Rijcx, ende ooc al-
