mandt daer van ignorantie en soude moghen pretenderen: Ende voorts onderhouden ende observeren, doen onderhouden ende observeren onverbrekelicken alle die puncten ende artijckelen daar inne begrepen, naer hare forme ende inhouden: procederende ende doende procederen respectivelicken totte recompense, loon, pene, straf ende punitie boven vermelt, sonder eenighe gunste, faveur ofte dissimulatie. Des te doene, met diesser aencleeft geven wy hen ende elcken van hen besonder volcomen macht, authoriteyt ende sonderlinck bevel: Ontbieden ende beveelen allen ende eenen yeghelicken, dat sy hen 't selfde doen ernstlicken verstaen ende obedieron. Ende niet te min, alsoo die voorschreven publicatien teghenwoordelick niet ghedaen en connen worden binnen de Steden, Landen ende Casselrijen, gheoccupeert zijnde deur de rebellie van de voorschreven Orangien: willen wy dat de publicatien die ghedaen sullen worden binnen de naeste steden, wesende onder onse ghehoorsaemheyt, van sulcker weerde ende effelte sulten zijn, als oft de selve ghedaen waren alomme binnen de plaetsen ende vlecken ghecostumeert, ende voor sulcx hebben wy die gheauthoriseert ende authoriseeren by desen. Willende ende bevelende insghelijcx dat die van stonden aen ghedruckt ende gheprint sullen worden by ghesworen Druckers oft Printers van onse Vniversiteyten van Loven ende Douay in tweederley fprake ende tale, op dat die selve te gheringher tot kennisse van eenen yeghelijcken soude mogen comen: ende sulcx is onfe gratie, decreet, wille ende goede geliefte. 'T oirconde van t'ghene des voorschreven
