calomnieuse, valsche ende verzierde rappoorten dies aengaende ghedaen), beter gheinformeert zynde, ghenieten ende gecrighen. De medecynen ende chirurgynen, goede toezicht ende zorghe draghende van de convalescentie van Zynder Excellencie ende het ghenezen van de quetsure, hebben goet ende raedtsaem bevonden dat Zyne voorseide Excellencie luttel ofte nyet en zoude spreken, mits zy jugieren dat het spreken grotelicx zoude verachteren haerlieder cure ende het ghenesen van de voorseide quetsure in den mondt wezende, ende sullen ons naer de gheleghenthevt van de zaecke ende goede dispositie die, Gode lof, daghelicx an den persoon van Zynder Excellencie zeere vermeerdert ende augmenteert, allesins reguleren.
Zyne Hoocheyt heeft, dinxendaghe laetstleden, wezende den xxvijen deser loopende maendt, commende in de vergaderynge van de generaele staeten, den solemnelen eedt aldaer ghedaen an de voorseide staeten, achtervolghende ende tot vulcomminghe van den xxvjen article van den tractate met Zyne Hoocheyt by de generaele staeten ghedaen ende besleten ; waerof wy ulieder E. zenden de copie, metsgaders van de reciproquen eedt by de generaele staeten Zyne voorseide Hoocheyt, ten voorscreven daghe, solemnelye ende met grooten contentemente van Zyne Alteze ghedaen : hiermede oock zendende zeker besloten briefven van Zynder Hoocheyt, addresserende an ulieder E. Wy verstaen dat het voyage van Zynder Alteze naer Viuenderen, omme binnen der stadt van Ghent gheinaugureert ende ghchult te worden als grave van Vlaenderen, duer het ongheval ende desastre gheschiet in den persoon van Zynder Excellencie, zoude vuytghestelt ende ghediffereert zyn tot naer Paesschen ende de convalescentie van Zyne Vorstelicke Ghenade.
Den viant, zeere verblyt wezende van de tydinghen die hy ontfaen hadde van den doot Zynder Excellencie, heeft hem vervoordert met zeker trompillen briefven te beschicken an de heeren van Ghendt, Audenaerde, Bruessele, Brugghe ende andere steden, ten fyne dezelve terstont zouden hemlieden willen stellen onder de genade ende obeissance van den coninck van Spaengien, hemlieden toezeghende veele weldaden ende edrieghclicke
