71 --- gevangenen, ende daeraff Uwen Edelen ons zyn scryvende, om , doer middel van dyen , te meer in't claer te mogen brin- gen den mordadigen boosen aenslach gesciet in den persoen van de vorstelycke genade des heeren princen van Oraingen , die wy verstaen, Godt hebbe loff ende danck, te wesen in zeer goede hope van te becommen ende genesen ; maer wat neer- stich ondersoeck wy tot noch toe hebben gedaen, en hebben noch den voerscreven Hendrick noch eenige andere persoenen connen becommen . Des nyettemin, en sullen alnoch nyet naelaten allen mogelycken toesicht daerop te nemen ende doen nemen , om ' tselve te becommen , indyen eenichssins mo- gelyck sal wesen ; daertoe ons wel nootelyck zoude dienen te wetene die qualiteyt ende conditien van den voorscreven Henrick, ende waer hy zoude mogen woonachtich zyn, ende met wat handele hy hem es gererende : d'welck vuyten voor- screven gevangene zoude mogen verstaen wordden . Sal alsoe Uwen Edelen gelieven daerinne te doen nae henne goede discretie, ende ons daeraff te adverteren , indyen des noot zy ; ende wy sullen ons daernae zeer gewillichlycken reguleren, dat henne Godt, die Heere, die Uwen Edele, nae onse goet- gunstige recommandatie, in Uwen Edele goede gratie, edele, weerde, wyse, zeer voersienige heeren , wille gesparen in eene voerspoedige regeringe. Uuyt Bruessele , desen xxen meerte xvc lxxxij . Die Uwen Edele goede vrinden ende naebueren , Borgermeestren, schepenen, rentmeesteren ende raedt der stadt van Bruessele . DE SMET. Suscription Edelen , weerden , wysen , zeer voersienige hee- ren borgermeestren, schepenen ende raedt der stadt van Antwerpen. Original, aux archives de la ville d'Anvers.
