--- — 324 merckelicke betalynghe ghedaen is gheweest : daerduere Z. E. ghenootzaect is gheweest te vercoopen ende verpanden zyn baguen ende juweelen tot onderhaut van zynen huuse ende staet, metgaders ooc zyne moeren ende turflanden ligghende om Breda, boven hondert bunderen , die dezelve in Hollandt heeft doen te coope stellen, verre beneden de weerde , met meer andere redenen , verzouckende dat de vier leden belie- ven zoude , tot conservatie van de eere ende authoriteyt van Zynder voorseide Excellentie, ende in ' t regard van de goede diensten by dezelve den vaderlande ghedaen , dezelve Z. E. in deser vuytersten noodt te secoureren met vier oft vyf duust guldenen ghereede penningen , in minderinghe van alle de voorseide t'achterheden , ende van nu voorts te betalen duust guldenen ter maendt , zo van ghelick zullen betalen Brabant, metgaders Hollandt ende Zeelandt , de andere twee reste- rende duust guldenen ter maendt , maeckende t' samen dry duust guldenen : de vier leden, ghezien hebbende alle de voor- seide redenen, willende denzelven Z. E. in alles ghelieven ende seconderen , bemerckende hoe groetelicx zy verbonden zyn in ' t regard van de ghetrauwe diensten by derzelver den vaderlande ghedaen, hebben gheerne anghenomen te betalen de voorseide duust guldenen alle maenden . Dien- volghende, zullen die van Ghendt alle maenden doen betalen by den commis Jan Dooghe iiij guldenen , die van Brugghe ende van den Vryen alle maenden iiij guldenen , die van Ypre alle maenden ij guldenen , maeckende t' samen duust guldenen. Ende omme dezelve Z. E. te secoureren van eeneghe ghereede penninghen , daermede de leveraers zoude moghen contentement ghedaen worden , ende de eere, repu- tatie ende authoriteyt van Z. E. bewaert wesen , zullen die van Ghendt doen betalen , in handen van den voornoemden Taffyn , tresorier , die somme van achthondert guldenen, Brugghe ende Vrye achthondert, Ypre vierhondert : alles zon-
