4
pagnien Cosaggen ende Duytsche Ruyters wt onsen Legher, maer die Hungheren ende Moravische, en hebben het secours niet verwachten doruen, ende zijn te rugghe ghetrocken.
Den Hungherschen Landt-dach tot Neuwensol gaet al voorts ende de Hunghersche Spanschafften ende der steden Ghesanten sullen derwaerts vertrecken. Ende daer is alhier eenen schoonen Wagen te maken, men vermeynt voor Bethlem Gabor soude gheschoncken worden, hy is met root Frouweel ghevoeyert, ende met Goudt gheborduert, hy soude binnen dry daghen neerwaerts ghesonden worden.
De Keyserlijcke Majesteydt soude den Heere van Lichtensteyn op den Landt-dach ghesonden hebben, maer alsoo Bethlem Gabor geen Ostagiers en begheert te seynden, seggende het is eenen vrijen Lantdach, daer elck een mach vry ende vranck comen, ende wederom gaen, soo is sulckx ghebleuen, dan daer is den Heere Graeff Philips van Solms, Heer George Teuffel, ende Heer Wolff Wilhelm van Leyninghen tot Ambassadeurs Ghedeputeert, dan by soo verre datter noch een voorneme Ostagier compt soo soude hem den Vorst Carel laten imploeyeren.
Tot het volck van Moravien oft Rebellen bouen de duysent Peerden, zijnder noch ses duysent Hungeren by ghecomen, de welcke by Sisserstorff, ende daer
