den van erve, oft gherede penningen t'zijnder keuse ende optie, terstont na dat die sake volbracht sal wesen, de somma van 25000 goude Croonen: ende so verre hy eenich delict oft misdaet gecommitteert hadde (hoe groot 't selve soude mogen zijn) wy beloven hem 't selve te vergeven, gelijck wy oock van nu voort als dan doen ende vergeven, ende indien hy van genen adel ware, hebben den selven geannobiliteert ende annobiliteren by desen, in aensieninghe van zijn vromicheyt: ende in gevalle de principael facteur tot hulpe ende assistentie van zijnen aenslag of executie van den feyte eenighe andere personen aenneemt, sullen wy ooc den selven alle gunst ende weldaed bewijsen, ende teghens elcken van hen sulcx bekennen als hun qualiteyt, ende den dienst die sy ons hier inne gedaen sullen hebben, 't selfde vereisschen sal, hen verghevende insgelijcx 't gene des sy souden moghen misbruyckt ende misdaen hebben, de selve ook annobiliterende als voren: Ende also de receptateurs, fauteurs ende aenhangeren van sulcken boosen tyran, oorsake sijn, dat hy hem mach continueren ende onderhouden in zijne boosheyt, sonder de welke de booswichten niet lang en connen domineren: Verklaren wy insghelijcx alle de gene die binnen een maend na de publicatie van desen, hem niet vertrecken sullen van zijner zijden, maer continueren hem bystandt ende faveur te bewijsen, oft den selven volghen, hanteren, bystaen, favoriseren oft beraden, directelick of indirectelick, of van nu voortaen met goed of geld helpen sullen, voor rebelle ende
