is. Also de menschen van natuere geneycht zyn, om der achterclap ende valsche beschuldinghen hare ooren seer gheerne te openen, Selss dat in een costelicke maeltijde (na t'seggen van eenen van de voortreffelickste Poeten, daer wy dickwils af ghehoort hebben vermanen) gheen sausse soo lieffelick en smaeckt, ofte der kele soo aenghename, als het achterclappen den ooren is: Ende alsoo ter contrarien gheen dinck ter weerelt soo noode gehoort wert, als wanneer de mensche hem selven looft ende, beroemt : Dat onse vyandt van dese twee dinghen tot zijnen besten heest t'ghene dat vreucht ende ghenoechte medebrengt: ende wy crijghen t'onsen deel tghene dat aen hem selven hart ende swaer, jae der gheheele weerelt Qnaenghename is ende verdrietelick. Maer wy verhopen, door het toedoen van uwe goetjonsticheyt ende gheneychden wille t'onswaert, dat ons noch d'een noch d'ander sal connen eenighe, schade, toebrenghen; ghemerckt dat ghy van over langhen tijdt wel ervaren hebt, hoe, dat, de starelicke ende doorluchtighe qualiteyten, alsse met tyrannije eenichsins bevleckt zijn, gheen cracht noch vermoghen en hebben om de vrye, ende manlicke herten tot henwaert te trecken ostę. te ghewinnen. Ende ten anderen, naedemael
