meyne man heeft op uwe wijsheyt ende oprechtigheyt. D'welck wy van ulieden seer ernstelick ende hertelick zijn versoeckende, ende tot den selven vermanende by den eedt ende plicht daer ghy Gode ende den vaderlande mede verbonden zije: wel versekert zijnde, alsoo wy in veelen anderen dinghen minder ende gheringer zijn dan onse vyanden, dat wy se in dit point soo verre sullen te boven gaen, als sy hen beneerstighet hebben door allerhande konsten ende middelen om uwe rechten, privilegien, ende vryheden gheweldelick te schenden, breken ende te onderdrucken: om de welcke voor te slaen, te onderhouden ende te bewaren, wy van goeder herten ende met aller ghetrouwicheyt altijdr ons wterste beste ghedaen hebben. Ende hoe wel dat wy onsen goeden name ende fame so leedt niet en hebben, dat wy niet, wel in dancke en souden nemen (alsoo wy hopen onse daden ende handelinghen wel weerdich te zijn) van allen Vorsten, Potentaten ende Gemeynten deser weerelt, wel gheestimeert ende gheacht te werden, behalven van den Spaegniaerden ende haeren aenhangeren, van den welcken soo langhe alsse in haer tyrannisch voornemen zijn volherdende, wy gheenen danck noch jonste, noch eenighe vriendschap
