dent Schoore, die in den raedt dese selffte woorden voortbrachte, Filius hæretici non debet succedere: Dat is, Eens ketters sone en mach gheen ersghénaem wezen : om dies willen dat onie Heer vader, achtervolgende de exempelen van de vrome Coningen, als daer waren, David, Josias ende andere, de kercken van zijne landen die hy in Duytschlant was besittende, gereformeert hadde, ende nae den woorde Godes van den abuysen ghereynicht, selfs by toelaten ván den Keyser. Ende daerom en liet nochtans den raede niet advys te gheven nae redene en billicheyt, alsoo hy oock niet andets en vermochte te doen, aenghesien dat mijn Heere de Grave van Kungstain onsen oom oock hadde in zijn successie van de Graefschap van Rochefort bevesticht ende behouden gheweest, niet teghenstaende dat hy selve een protestant was. Derhalven nademael dat alle t'gheschil (so men geschil moet noemen t'ghene dat wy in onsen huyse mochten onder malcanderen hebben) hier in was gheleghen, of de voorsz. successie behoorde den vader ofte den sone toeghewesen te werden nochtans nae rechten en conde niemande anders, dan wy alleene, eenich recht daar in voorwenden.
Aengaende van t'huis van Chaalon, voor eerste en can men niet segghen, dat wy
