souden in den Keyzer eenichsins ghehouden zijn van weghen der Baroenijen ende heerlickheden die wij in 't Hertochdom van Bourgondien ende in den Delphinaet van, Vienne houden ende vredelick besitten: want hy over de selve niet meer macht en hadde dan wy, dewijle dat het altemael stont in de macht ende gewelt van den Coninck van Vranckrijcke, die t'elke reyse alsser oorloghe tusschen de voorsz. Keyser ende Coninck begonste te rijzen, dede te ghelijcke aenslaen ende aenveerden soo wel de Graefschap van Charollois, die den Keyser selve was toecomende, als oock onse Baeroenijen in der voeghen dat wy dies aengaende in hem geenslins en connen ghebouden zijn, ten ware om dat wy mede zijn begrepen worden in 't verdrach van den paeys van Soissons, d'welck wel het minste was dat hy behoorde gedaen te hebben ter goeder ghedachtenisse van onsen Heer neve, de welcke na soo veel cloecke feyten van wapenen t'zijnen dienste ghedaen, onlangs daer te voren in den selven krijchs-tocht in de belegheringhe van S. Desir, het leven voor des selven Keysers voeten ghelaten hadde.
Veel min isser in zijner macht gheweest ons eenighe jonste te bewijsen, om ons Vorstendom van Orangien te vercrijghen, daer
