alle regelen die in cas van eene pleghen onderhouden te werden, metgaders lijf ende goet ons heeft willen benemen, hebbende daer en boven onsen lieven sone, tegen alle goddelicke ende wereltlicke rechten; selfs tegen s'landes privilegien by hem ghesworen tot zijner blijde incomste, ons ontweldicht ende wech ghevoert.
Aengaende dat hy ons soude ghegundt hebben te wesen Raedt van Staten: wy hebben ghenoech bethoont in onse voorgaende verantwoordinge in 't jaer 1567 wtghegaen, [1] dat sulcks de Cardinael ende andere gepractiseert hadden dat wy daer toe souden beroepen werden, niet anders daer mede meynende, dan om slechts alle hare handelingen onder onsen name ende aensien by den volcke te bedecken. Derhalven oock en zijn wy gheensins in hen lieden ghehouden, dewijle dat sy niet ons voor deel, maer alleen hun eyghen nut ende profijt in desen waren soeckende. Soo hen dan t'selve nu niet en heeft willen ghelucken, dat moeten sy een van beyden toe schrijven, ofte haerlieder cleyn verstant ende begrijp, datse haer voornemen niet voorsichtichlick genoech hebben connen beleyden, ofte (dat beter te gelooven is naedemael
- ↑ By BOR IV. 161, enz.
