zijns ghelijcke zijn doende: maer volghende t'ghene dat hy meynt dat hem zijn conscientie belast, ende nochtans wel overweghen hebbende t'ghene dat daer gheschiet is, ja daer op ghehadt t'advijs van de voorneemste Raden van den Parlemente van Parijs, doe ter tijdt binnen Poitiers vergadert wesende, om de ghewoonelicke gherichts-daghen aldaer te houden, oock ghehoort hebbende t'advijs van de Bisschoppen ende Docteurs: heeft bevonden (alsoo 't oock is in der waerheyt) niet alleene soo daer eenighe belofte van weghen onser gheselnede gheweest hadde, dat de selve van rechts weghe nul ende van gheener weerten behoorde te wesen, om datse in hare kindtsche jaren ghedaen was teghen t'gheestelick recht, teghen de ordonnantien van Vranckrijcke, ende de arresten van de hoochster raden, self teghen de Canons ende artijckelen van de Concilie van Trenten, daer de Coninck soo veele van houdt: maer oock dat daer selfs noyt gheen belofte en is gheschiedt, jae veel ende verscheyden protestatien daerenteghen, alfo t'selve by goede informatien heeft ghebleken, na t'vertreck ende int afwesen van ons gheselnede ghenomen. Boven dien allen, soo en zijn wy in de oprechte Christelicke leeringhe soo on-
