hare regieringe met delatie, consent en believen vande Landsaten hebben begonnen, maaer oock sulcks vervolcht dat alle de leden vande lichamen daervan sij tot hooft sijn ghestelt sijn gebleven ongevioleert, onvercort ende onvermindert d'welck niet en heeft connen worden verhaelt (dewijle de Princen bij schalcke ende ambitieuse luyden Lichtelijck worden gecircumvenieert) ten ware de Lantsaten middel hadden om hen met goede ordre ende beleyt t'allen tijden tegen alle quade practijcken te opposeren ende de Prince vande behoudenisse haerder vrijheyt ende welvaren, uyten name van alle de leden, niet alleen t'allen tijden te vermanen, maer ooc om zo wanneer de selve hen tot tijrannije souden laten misleyden mette middelen van den Lande hen daer tegens t'opposeren. Tot desen eynde syn de Lantsaten vanden voorschreven Landen ghedeelt in tweederley Staten, te weten d'Edelen ende Steden.
D'edelen worden ghehouden voor een lidt ten opziene vande digniteydt haerder afcompsten die, sonder beroemen wel zulcke is ende soo out (alsmen in eenighe andere Landen soude vinden) ende vande Heerlijckheden die deselve binnen dese Landen zijn besittende van welcke heerlijcheden zij luyden meest al hebben ende ghebruycken hoghe middelen ende laghe jurisdictien, dewelcke op alle occurrentien met malcanderen delibereren op den Staedt vanden lande ende ter vergaderinge comparerende adviseren op alles neffens de Gedeputeerde vande Steden.
De Steden hebben meest al een form van regieringe, te weten een Collegie van Rade oft Vroetschappen, geconstitueert zijnde vande notabelste luten midde vande gantsche burgerie, dese sijn in sommige Steden van CL; In andere van EEEDJ, in andere van EEEJJ, EEDJJJ, EEJJJJ oft EE personen; ende zijn de Collegie vande selve so oudt als de Steden, ofte immers dat geen Memo-
