Sy segghen, Soo gheringhe, als de Cominck wt den Nederlanden vertrocken is gheweet, dat wy met alle listighe ende boose aenslaghen ende practijcken ons vervoordert ende ghepoocht hebben om te winnen ende vercrijghen den wille ende ghemoet van den ghenen die wy wisten qualick ghesint te zijn, belast met schulden, vyanden van der Iustitie, liefhebbers van nieuwicheden, ende boven al de ghene die ter saecken van de Religie bedraghen ofte ghesuspecteert waren. Soo veele als de ghene belangt die de kennisse van de Religie hadden, wy belijden gheerne dat wy de felve noyt ghehaet en hebben. Want aenghesien dat wy van joncks op in de voorsz. Religie waren ops getrocken, ende dat onse Heer vader daer by heeft willen leven ende sterven, hebbende die abuysen der Kercke wt zijnen heerlickheden wtgeroeyt: wien can het so vremdt beduncken, dat dese leeringhe soude in ons herte van doen in sulcker voeghen inghegraveert ende soo diepe ingewortelt zijn geweest, datse t'haren rechten tijde heeft begonnen hare vruchten voort te brenghen? Want hoe wel dat wy doe ter tijdt, wt redenen dat wy soo langhe jaren in s'Keysers camer hadden opghetrocken gheweest, ende dat wy tot onsen jaren ghecomen
