melick is ende openbaert da] de voors. crijmen ende lasteringhen t'onrechten V. Vorst. Ghen. zijn opgheleit: Ende belanghende de lasten, so wel van Lieutenant generael, als van de particuliere gouvernementen, dat nae voorgaende wettelicke keuse ende electie. V. Vors. Ghen. de selve niet en heeft willen aenveerden, dan van ons ernslick daer toe versocht ende ghebeden zijnde, in de welcke sy oock altijdts ghecontinueert heeft op onse begeerte ende aenhouden, metgaders met volkommene vernoeginghe ende contentement van den lande: Versoeckende aen de voors. V. Vorstel. Ghen. noch voorder in den selven te willen volheerden ende continueren, ende daer beneven belovende alle hulpe ende bystandt, sonder te sparen, eenighe van hare middelen, metgaders alle ghewillicheyt ende ghehoorsaemheys V. Vorst. Ghen. te bewijsen. Ende overmidts dat den voors. Staten welbekens zijn de ghetrouwe diensten by V. Vorst. Ghen. desen landen ghedaen, ende de ghene diese in toekomenden tijde noch van haar zijn verwachtende: Soo, ist datse de selve presenteren tot meerder versekertheyt van haren persoon, te onderhouden een cornette van peerdevolck, voor hare lijsguarde, versoeckende aen V. Vorst. Ghen. die te willen aennemen
