so ontsluyt ende resolveert u op de poincten die wy ulieden tegenwoordelick, voorhouden. Ende is 't dat ghy acht dat wy eenighe liefde den Vaderlande zijn draghende, ofte dat wy eenichsins bequame zijn om gooden raedt te gheyen: so ghelooft vastelick dat t'selve is het eenich middel om ons verlossen ende te bevrijden. D'welck, ghedaen zijnde, so laet ons dan t'samen met eendrachtigen herte ende wille de bescherminghe van dit goede volck aengrijpen ende voor de handt nemen : het welcke niet anders en begheert dan dat hem openinghe gheschiede van goeden rade, om den selven na te comen ende te volghen. Dit doende so ghy lieden die jonste blijft voorder t'onswaert draghende, die ghy ons tot noch toe bethoont hebt, wy verhopen door 't middel van de felve, ende voornemelick door Godes ghenade (de welcke wy hier te vooren soo menichmael in soo swaerwichtighe ende twijffelachtighe saken beproeft ende bevonden hebben) t'ghene dat ghy tot uwe eyghen welvaert ende onderhoudinghe uws selfs, uwer wijven ende kinderen metgaders van al wat den dienst Godes
