trouwen: Ende al hadde yemant neffens my contrarie officie willen doen, so en ben ick foo lichtveerdich niet, dat ick sulcx soude gheloeft hebben, hebbende soo grooten experientie van uwer ghetrouwicheyt ende van uwen diensten: Daerom moecht ghy vryelick sulck achterdencken laten varen, ende u rusten op de brieven die ick, dien aengaende, u eertijden heb gheschreven, ende op u wercken: ende niet letten op het gene, dat eenige, die mogelijck vyanden zijn van mijnen dienste ende uwen welvaren, u mogen te verstaen gheven. Ende aengaende den oorlof dien ghy begheert om u staten te verlaten, my is leedt dat uwe saken particulier, zijn in sulcken state als ghy seght: maer wesende de saken van dien lande, in der voeghen soo sy zijn ghelegen, en can ick niet ghelaten u te segghen, dat het gheen reden en ware dat sulcke persoonen als ghy zijt, in den welcken ick my betrouwe ende gerust stelle, die verlaten, bysonder, nae dien ick soo verre van daer ben, maer waer eer behoorlijck dat die ghene die in hare huysen waren, toe liepen tot desen noot, ende hen imployeerden int gene daer sy toe verbonden zijn, ghelijck ghy teghenwoordelick ghedaen hebt gaende t'Antwerpen, daer ick groot contentement af ghehadt hebbe: Ende ben wel versekert dat ghy aldaer doen sult al het ghene dat meest sal wesen bequaem voor mijnen dienst, ende voor de ruste ende versekertheyt van sulcker stadt ende van den landen, ende om te versien op de ongheregheltheden, die aldaer zijn zullen, ghelijck ick u dat betrouwe, ende wel expreffelijck u dat belaste: ende
