lovelicker gedachtenisse, comen verwijten, dat de Keyser heeft haren erfghenaem ende neve recht ende justicie gheadministeert? Jae en hadden die van Nassau hier te vooren niet gheleeft, ende en hadden die van Orangien niet soo dapper in de wapenen geweest, al eer dat desen Coninck geboren ward; hy en soude niet soo veel tittelen geset hebben in den beginne van desen Ban, door den welcken hy ons valschelick en de lasterlick voor eenen Schelm ende Verrader meynt te verclaren: d'welck noyt en, werdt bevonden, ende also, wy hopen noyt en sal aen yemants van onsen geslachte bevonden werden. Maer datmen ons daer op antwoorde wie de ghene was door wiens bevel dat de Cardinael van Granvelle heeft wijlen den Keyser Maximiliaen den anderen, doe hy noch maer Beemsche Coninc was, onderstaen te vergeven? Wy weten wel wat de voorschreven Keyser ons gheseyt heeft: ende hoe dat by nae dien tijdt den Coninck ende de de Spaegnaerts soo seer ontsien heeft, inder voeghen dat hy noyt meer daer naer en heeft durven openbare prosessie doen van de Religie, die hy nochtans bekende de beste te wesen.
Voorts segghen sy, dat by t'selve nader-
