staende dat de peste soo groot in onsen legher was.
Soo veele als t'gouvernement van Bourgoignen belangt, wy connen voor seker ende met der waerheyt segghen, dat wy van t'selve noyt niet ontfanghen en hebben. Wy laten staen, dat onse voorsaten altijd hebben ghemainteneert t'selve hen ervelick toe te behooren. D'welck blijckt by dien, dar Mevrouwe Philiberte van Luxemborch Princesse van Orangien, te wijle dat, mijn Heere de Prince Philibert haer sone in Italien was, dede de Staten van van Bourgoignen in onse stade van Nozeroy vergaderen: ende alsoo het selve van sommighen niet goet ghevonden en werdt we redene dat de voorschreven onse sladt op eene van de frontieren vande Graefschap van Bourgoignen is legghende, soo antwoorde sy, dat sy 't dede om de possessie daer de Heeren van Chaalon in waren, van ervelicke gouverneurs in de voorschreven Graefschap van Bourgoignen te sijn, door soodanighe acte te onderhouden. Maer hoet daer mede is ofte niet, als men te rechten wil in sien hoe dat de Coninc met ons gheleeft ende ghehandelt heeft, soo is hy ghenoech wtwijsende, dat hy gheen redene en heeft om ons de voorschreven eeren voor te werpen de welcke hy selve teghen
