deren qualick se spreken, selve behoort van alle misdaet vry te zijn. Want het is een groote onbeschaemtheyt ende onbedachtheyt, indiense hare eygen fauten die soo merckelick zijn, wel kennen, datse niet te min over hare distelen ende doornen so sachte gaen al tredende, als oft enckel roosen waren: ofte soo sy de selve niet en kennen, wat een groote beestachticheyt ende botticheyt is het, niet te sien het ghene dat hes t'elcker uren voor haren oogen is verthoonende? Sy sien daghelicks eenen Coninck met bloedtschande bevleckt, dien maer een half ledt naerder en ghebreeckt om eenen Jupiter te wesen, die zijner eyghen suster man was: ende noch durven se ons comen verwijten een houwelick dat heylich, eerlick, wettelick ende goddelick is, ja volghende de ordonnantien der kercken Godes ghedaen. Ende hier zijn wy ten anderen maet benoodicht, mijne Heeren, ulieden te bidden dat ghy van ons sulcks niet en wilt ghedencken, als ghy noyt aen ons ghesien hebt, dat wy door lust van te missegghen souden beweecht werden dese leelicke ende stinckende sweeren te ontdecken, ofte alle de werelt voor oogen te stellen het brandtteecken van aoodanighe conscientien maer ulieden sal believen t'selve, niemant anders
