hen selven onder zijne ghehoorsaemheyt begheven. Maer wat heetense doch eenen vreemdelinck? namelick den ghenen die buyten s'landts is gheboren. Soo volcht dan, dat hy even soo wel een vreemdelinck is als wy: want hy is în Spaegnien gheboren in een landt dat met dese landen een natuerlicke vyantschap heeft ende wy zyn gheboren in Duytfchlandt, met de welcke dese landen natuerlicke vriendtschap ende eenieheyt onderhouden. Men sal ons hier op antwoorden, dat hy Coninc is, ende wy segghen ter Contrarien, dat soodanighen name van Coninck ons hier onbekent is. Hy mach het wefen in Castilien, in Arragon, tot Napels, in Indien, ende alomme daer hy nae zijnen wille ende begeerte heeft te gebieden. Hy mach het oock zijn (wilt hy) tot Jerusalem, vredelick heerschende in Asien ende Afrijcken: Nochtans so veel isser af, dar wy in dese landen niet hoogers dan eenen Hertoghe ende eenen Grave en kennen, wiens macht met seker palen is afghescheyden, achtervolghende onse privilegien die hy tot zijner blijde incomste ghesworen heeft. Maar soo veele als ons is raeckende, het is kennelick, dat wy ende onse voorsaten, van den welcken wy in rechter manlicker linie zijn afcommende, al over twee hondert
