E., derghelyck wy verstaen dat aen alle provincien ende collegien gheschreven worden ter cause van het ongeluck Syner Excellencie overghecommen.
II
Edel ende werde heeren, wy zyn, Gode lof, ghearrivert tot
Brugghe, niet zonder groote dangiere..... Ende alhier ghecommen wesende, hebben bevonden dat de ghedeputeerde van den
anderen leeden, immer die van Ghendt, vertrocken zyn ten investiringe van Zyne Altese tot Ghendt, beduchtende dat zynder
comste wat verlanckt zyn zal, midts het groot ongheluck mynen
heere den prince van Oraignen anghedaen, wanof ulieder E. by
eene van Zyne Altese ende met eenen by Carpentier breder onderrecht zult vinden. Wy verhoopen metten anderen ghedeputeerden van Brugghe ende van den Vrien ghesaemdelyk te reisen metten eersten naer Ghendt..., Vut Brugghen, desen xxen maerte 1382.
III
Edele, weerde, wyse ende zeer discrete heeren, wy en connen niet naelaeten ulieder E. te veradverteren ende onderrichten van de verradelick aenslaeghen des conincxs van Spaengien up de persoon van Zyne Excellencie de prince van Orangien, denwelcken hy verhoopt hadde, duer belofte ende toesegghinghe van een notable somme van penningen, listelic te doen vermoorden, ten dien fyne hebbende doen ghebruycken alle middelen ende practicquen die denzelven spaenschen coninck met zyne racdslaghers heeft connen bepeynsen; ende heeft ’tzelve zyne ongoddelick ende tyranniquelick voornemen zoo verre ghebracht, dat eenen ghenaempt Johan Jauregui, gheboren van Biscayen, oudt ontrent de dertigh jaeren, eertyts te Brugghe ghewoont hebbende, ende
