ulieder E. bedincken ofte niet goet ende goddelick ware, van ghelyck te doen ghebieden in andere steden, tot dancksegghynge, prys, eere ende grootmakinghe van den almoghenden Heere, die Zyne Excellencie ende ons zoo miraculeuselick ende vuyter hope zoo ghenadelick beschermt heeft van der tyrannen handt, ende andere groote apparente moorden ende dangieren, daerinne wy gheweest hebben............ Vuyt Andwerpen, desen xxijen martii 1382.
IV.
Edele, weerde, wyse ende zeer discrete heeren,........ Zyne
Princelicke Excellencie, Gode lof, convalesceert van zynder quetsure van daghe te daghe, hopende dat dezelve binnen vj zoo
vij daghen compareren zal in den raedt........ Vuyt Andwerpen,
desen xxven martii 1382.
V.
Edele, weerde, wyze ende voorzienighe heeren, wy hebben ontfangen de briefven van ulieder E., ghedateert den xxiij dezer loopende maendt, metsgaders zeker briefven addresserende an Zyne Excellencie den prince van Oraingnen, denwelcken wy met alder neersticheyt zullen beschicken, beduchtende nietmin dat wy niet en zullen alsnoch connen effectueren het last van ulieder E. ons dien aengaende ghegheven, omme anderwaerf Zyne Excellencic mondelingx te vertooghen de goede debvoiren ende officien in deze ghealtereerde tyden by ulieden den vaderlande ende tot vervoorderinghe van de christelicke religie, met eenen singulieren ende ghewillighen yver ende affectie, altyts bewesen : daermede Zyne Excellencie beter betrauwen ende ghevoelen van ulieder E. ghetrouwichcyt zoude moghen (contrarie de
