-91 dat Godt almachtich onse gemeyne saecke, ter eere syns naems ende heylich woords, alsoe tot nu toe gestuert ende beweeght heeft, dat het meer syn eygen dan der menschen werck is geweest , ende dat hy daerenboven deur syne goetheit den landen verweckt ende toegestelt heeft eenen soe grootmach- tigen ende goetdadigen heer ende prince, als is myn heere den hertoch van Brabant, van Anjou , etc. , op ten welcken Syne Excie deselve landen ende ons al t'samen geheelyck ende sonder ophouden is aenwysende , met soe groeten genegent- heit ende bethuychenisse van oprechticheit, lieffde ende sun- derling vertrouwen , dat het niet mogelick en waere dat ' tselve meerder soude wesen . Des wy Uwe E. wel hebben mede wil- len aendienen, ten eynde niet alleen d'ingeseten 's landts hem daerop naest Godt, den Heere, mogen verlaeten , maer oick den volcke van oirloge gewisheit voirgebeelt worden ende verse- keringe gegeven, dat den dienst, trouwe ende vromicheit, die zy aen eenen soe vermoghenden potentaet ende aen desen geunieerde landen bewysen ende doen sullen , niet vergeten oft verloren en zal blyven , maer loffelick erkennet ende oick vergolden worden : daermede ons van herten tot Uwe E. gebiedende, ende Godt almachtich biddende, edele, enz . , Uwe E. in lange gesontheit , welvaeren ende voerspoet te bewaeren. Vuyt Antwerpen , den iersten dach aprilis 1582 . Uwe E. goetwillige vrienden , die staeten generael van de Geunieerde Nederlanden . Ter ordonnantie van de voirseide staeten : J. HOUFFLIN . Archives du Royaume , à La Haye, collection des états généraux reg. Ordinaris depeches , 1582 ende 1583, fol. 50.
